Океан на крајот од патот

Во руралните предели на Англија еден човек по многу години се враќа во својот дом од детството. Освен старите куќи и познатите патишта, тој повторно ќе ги открие своите детски спомени и ќе се сети на неверојатната пријателка Лети Хемпсток, која живее со нејзината мајка и баба. Меѓутоа, потсетувајќи се на минатото, тој набрзо сфаќа дека неговите детски авантури биле многу поопасни и почудни отколку што претпоставувал...

Океан на крајот од патот е врвно дело на мајсторот на фантастиката Нил Гејман, замислено како трогателна, страшна и елегична бајка за возрасни, која го води читателот во незаборавна авантура на границите меѓу реалноста и фантазијата. Иако читателот се среќава со многу фантастични и митолошки суштества, во романот на суптилен начин всушност се допираат темите на пријателството, детството, семејството, љубовта и жртвувањето во име на другите луѓе. Раскажана со многу топлина и хуманост, приказната на Гејман ги црпи своите теми од древните митологии и од книжевноста за да создаде лавиринт во кој читателот ужива сè до последната страница, соочувајќи се со вечната борба меѓу доброто и злото.